Braziliyanın "Santos" futbol klubu baş məşqçisi Pedro Kaysinya ilə müqaviləni dayandırıb.

90plus.az xəbər verir ki, bu barədə A Seriyasının təmsilçisinin rəsmi saytı məlumat yayıb.

"Santos" Braziliya çempionatının başlanğıcında keçirilən 3 qarşılaşmada heç bir qələbə qazana bilməyib. Komanda "Vasko da Qama"ya (1:2) və "Fluminense"yə (0:1) uduzub, həmçinin "Bahia" ilə (2:2) heç-heçə edib.

Yalnız 1 xal toplayan "Santos" turnir cədvəlində 18-ci yerdədir.

Klub Pedro Kaysinya ilə yanaşı, onun iki köməkçisini, həmçinin qapıçılar və fitnes məşqçilərini də istefaya göndərib.

Braziliya millisinin keçmiş futbolçusu Sezar Sampaio baş məşqçi vəzifəsini müvəqqəti icra edəcək.

Qeyd: Məşhur hücumçu Neymar da "Santos"un formasını geyinir.