FIFA Klub Dünya Çempionatının 1/4 final mərhələsində PSJ “Bayern Münhen”ə qarşı keçirdiyi oyunda 2:0 hesablı qələbə qazanaraq yarımfinala yüksəlib.
90plus.az xəbər verir ki, matçın ilk hissəsində fransız təmsilçisinin qapıçısı Canluici Donnarumma rəqibin təhlükəli hücumlarını dəf etməklə komandası üçün vacib rol oynayıb. İkinci hissədə PSJ üstünlüyü ələ alıb. Oyunun 78-ci dəqiqəsində Duenin vurduğu qol Paris klubunu hesabda önə çıxarıb. Qarşılaşmanın əlavə dəqiqələrində, 90+6-cı dəqiqədə isə Osman Dembele fərqi iki topa yüksəldib.
Fransa təmsilçisi qarşılaşmanı 9 nəfərlə başa vurub. 82-ci dəqiqədə Villian Paço, 90+2-ci dəqiqədə isə Lukas Ernandes birbaşa qırmızı vərəqə ilə meydandan kənarlaşdırılıb.
“Bayern Münhen”in futbolçusu Camal Musiala matçın ilk yarısında zədələnib. Onun fibula sümüyündə sınıq olduğu ehtimal edilir.
QOLLAR:
https://t.me/doxsanplus/104884
https://t.me/doxsanplus/104885
PSJ Paris klubu ilk dəfədir ardıcıl 5 pley-off oyununu qazanır – həm UEFA Çempionlar Liqası, həm də Klublararası Dünya Çempionatında:
◉ 1-0 "Arsenal” (UÇL)
◉ 2-1 "Arsenal” (UÇL)
◉ 5-0 “İnter” (UÇL)
◉ 4-0 “İnter Mayami” (KDÇ)
◉ 2-0 “Bayern” (KDÇ)
Ümumi hesab: 14-1
Bu qarşılaşma həm də “Bayern Münhen”in simvolik oyunçusu Tomas Müllerin klubdakı vida oyunu olub. O, karyerası ərzində alman klubunun heyətində 756 matçda meydana çıxıb.
PSJ yarımfinalda “Real Madrid” – “Borussiya Dortmund” cütünün qalibi ilə qarşılaşacaq.
