Son UEFA Çempionlar Liqasının qalibi olan PSJ-də gözlənilməz ayrılıq baş verə bilər.

90plus.az xəbər verir ki, komandanın ikinci qapıçısı olan Matvey Safonov klubdakı oyun vaxtının azlığından narazılığını bildirib və qış transfer dönəmində komandadan ayrılmaq ehtimalını dilə gətirib.

Fransa mətbuatına danışan rus qolkiper əsas qapıçı Lukas Şevalyenin kölgəsində qalmasından narahat olduğunu deyib:

“PSJ-də oynamağı haqq etdiyimi sübut etmək istəyirəm. Oynama müddətimdən razı deyiləm. Rusiyaya qayıtmaq fikrim yoxdur. Qış transfer dönəmində komandadan ayrıla bilərəm,” – deyə Safonov bildirib.

26 yaşlı qapıçı bu mövsüm “Pari Sen-Jermen”in heyətində hələ ki, rəsmi oyuna çıxmayıb.