PSJ-nin idman direktoru Luis Kampos futbolçusu Lionel Messi ilə müqaviləni yeniləmək üçün danışıqlar apardıqlarını təsdiqləyib.  90plus.az Fransa mətbuatına istinadən xəbər verir ki, bu barədə o, öz açıqlamasında bildirib. Kampos 35 yaşlı hücumçunun komandada qalmasını istədiklərini deyib:  “Hazırda biz Messi ilə danışıqlar aparırıq. Onu burada görmək istərdim, gizlətməyəcəyəm. O bizimlə qalsa, şad olaram. Amma indi biz Messini saxlamağa necə nail olacağımızı müzakirə edirik”. Qeyd edək ki, arentinalı forvardın hazırkı müqaviləsi bu ilin iyun ayına qədər qüvvədədir. O, 2021-ci ilin yayından PSJ-də oynayır.