Türkiyənin böyük komandalarından olan "Qalatasaray" daha bir ulduz futbolçu ilə müqavilə imzalamağa yaxındır. 90plus.az xəbər verir ki, bu məlumatı şəxsi "Twitter" hesabında Fabritsio Romano paylaşıb. İstanbul nəhəngi "Roma"nın yarımmüdafiəçisi Nikolo Dzanyolonun transfer edilməsi üçün paytaxt təmsilçisi ilə danışıqlara başlayıb. Məhşur insayder futbolçunun özünün də bu təklifə müsbət yanaşdığını, "canavarlar"ın isə onu icarəyə vermək deyil, satmaq niyyətində olduğunu açıqlayıb.