Bu gün UEFA Çempionlar Liqasında 1-ci təsnifat mərhələsinə yekun vurulub. 90plus.az xəbər verir ki, Azərbaycanın bu turnirdəki təmsilçisi “Qarabağ” cavab oyununa çıxıb. Ağdam təmsilçisi Cəbəllüttariq çempionu “Linkoln”la münasibətlərinə aydınlıq gətirib. Qurban Qurbanovun kolmandası rəqibini Bakı Olimpiya Stadionunda qəbul edib. Bu komandalar arasında Cəbəllütariqdə keçirilən ilk oyunda “Qarabağ” 2:1 hesablı qələbə qazanmışdı. Doğma meydanda rəqibini 4 cavabsız qolla məğlub etmiş Ağdam klubu növbəti mərhələyə yüksəlib. “Qarabağ”ı növbəti raundda Polşa “Rakuv”u ilə mübarizə gözləyir. UEFA Çempionlar Liqası 1-ci təsnifat mərhələsinin cavab oyunu 19 iyul Qarabağ – Linkoln 4:0 Qol : Abdullah Zubir, 7. Bəhlul Mustafazadə, 45+1. Redon Cica, 49. M.Yankoviç, 62. Baş hakim: Eldorjan Hamiti (Albaniya) Bakı Olimpiya Stadionu