Leao gələcəyi ilə bağlı qərarı təxirə salıb – "Milan"ın yeni baş məşqçisini gözləyir.
90plus.az xəbər verir ki, “Milan”ın hücumçusu Rafael Leao gələcəyi ilə bağlı yekun qərar verməyə tələsmir. Portuqaliyalı futbolçuya iki fərqli klubdan maraq olsa da, o, hazırda İtaliya təmsilçisində qalmağa üstünlük verir - Nicolò Schira
Məlumata görə, Leao əvvəlcə “Milan”ın yeni baş məşqçisinin kim olacağını və həmin mütəxəssisin onunla bağlı planlarını öyrənmək istəyir. 25 yaşlı vinger yalnız bundan sonra gələcəyi ilə bağlı qərar qəbul edəcək.
Son həftələrdə Leao müxtəlif klubların maraq dairəsində olsa da, futbolçunun prioriteti “Milan”dakı vəziyyəti dəyərləndirməkdir. O, yeni məşqçinin komandadakı rolunu necə gördüyünü anlamaq niyyətindədir.
Qeyd: “Milan” rəhbərliyi hazırda komandanın yeni baş məşqçisinin müəyyənləşdirilməsi üzərində çalışır. Əsas namizəd isə ABŞ millisindən ayrılmaq üzrə olan Maurisio Poçettinodur
