Ukrayna millisinin çalışdırıcısı Sergey Rebrov Avropa çempionatının sonuncu qrup oyununda Belçika ilə qolsuz bitən və ukraynalıları məyus edən matçı şərh edib.
90plus.az xəbər verir ki, Rebrov komandasının çıxışını yüksək qiymətləndirib:
"Təəssüf ki, Rumıniyaya uduzduğumuz ilk oyuna görə pley-offa vəsiqə qazana bilmədik. Turnir boyu yaxşı oyun göstərdik və bir sıra maraqlı məqamlar oldu. AVRO-2024-də iştirakımız ölkəmiz üçün çox önəmli idi. Son iki oyunda xarakter nümayiş etdirdik. Amma bu həyatdır, insan səhv edir, önəmli olan nəticə çıxarmaqdır. Mən futbolçularımla fəxr edirəm".
Qeyd: Ukrayna 4 xalla E qrupunu sonuncu sırada bitirib və Avro-2024-lə vidalaşıb.
