Azərbaycan millisinin futbolçusu Mahir Emrelinin çıxış etdiyi Xorvatiyanın “Dinamo” (Zaqreb) klubunun Yunanıstanda AEK-ə qarşı keçirəcəyi UEFA Çempionlar Liqasının 3-cü təsnifat mərhələsinin oyununun yeni tarixi açıqlanıb. 90plus.az UEFA-nın rəsmi saytına istinadən xəbər verir ki, azarkeş ölümünə görə təxirə salınan qarşılaşma avqustun 18-də və ya 19-da Afinada təşkil olunacaq. Digər matç isə əvvəldən planlaşdırıldığı kimi, avqustun 15-də Zaqrebdə oynanılacaq. Bu günə planlaşdırılan AEK – “Dinamo” oyunundan öncə azarkeşlər arasında kütləvi dava düşüb. Nəticədə, Yunanıstan klubunun fanatlarından biri öldürülüb. Bu səbəbdən, UEFA oyunu təxirə salıb.