“Qarabağ” bu gün UEFA Çempionlar Liqasının 2-ci təsnifat mərhələsində cavab oyununa çıxacaq. 90plus.az xəbər verir ki, “Köhlən atlar” Polşanın “Rakuv” komandasını qəbul edəcək. Bakı Olimpiya Stadionunda keçiriləcək oyun saat 20:00-da başlayacaq. İlk matçda rəqibinə 2:3 hesabı ilə uduzan “Qarabağ” mərhələni adlamaq üçün ən azı iki top fərqi ilə qələbə qazanmalıdır. Bu cütün qalibi 3-cü mərhələdə Kipr “Aris”i ilə qarşılaşacaq. Uduzan tərəf isə Avropa Liqasının 3-cü təsnifat mərhələsində HJK (Finlandiya) / “Molde” (Norveç) cütünün məğlubu ilə görüşəcək. UEFA Çempionlar Liqası 2-ci təsnifat mərhələsi, cavab oyunu 2 avqust 20:00. Qarabağ – Rakuv (Polşa) Baş hakim: Sven Yablonski (Almaniya) İlk oyun – 2:3 Bakı Olimpiya Stadionu