"Neftçi"nin kapitanı Emin Mahmudov mövsümü titulsuz başa vurmaları ilə bağlı sosial şəbəkə hesabında paylaşım edib. 90plus.az xəbər verir ki, 31 yaşlı yarımmüdafiəçi ümidləri doğrultmadıqlarını bildirib:  "Mövsüm başa çatdı və biz ümidləri doğrultmadıq. Azarkeşlərimiz hər zaman daha yaxşı nəticələrə layiqdirlər. Mövsümboyu göstərdiyiniz dəstəyə görə təşəkkürlər". Qeyd edək ki, "Neftçi" Azərbaycan kubokunun finalında "Qəbələ"yə uduzub. "Ağ-qaralar" Misli Premyer Liqasında mövsümü 3-cü pillədə başa vurub.