Ukraynanın “Şaxtyor” klubu UEFA Çempionlar Liqasındakı ev oyunlarını Almaniyada keçirəcək. 90plus.az “Bild”-ə istinadən xəbər verir ki, Donetsk təmsilçisi matçları Hamburqdakı “Volksparkstadion”da oynamağa razılaşıb. Bu arena 2-ci Bundesliqada mübarizə aparan “Hamburq”a məxsusdur. Stadion sonuncu dəfə 2006-cı ildə qitənin bir nömrəli klub turnirinə ev sahibliyi edib. “Şaxtyor” ötən mövsüm Çempionlar Liqasındakı qrup oyunlarını Polşanın paytaxtı Varşavada keçirib.