Azərbaycan kubokunun "Neftçi" ilə "Qəbələ" arasında keçirilən final görüşünün VAR və AVAR hakimləri Əliyar Ağayevlə Akif Əmirəli mükafatlandırılıb. 90plus.az xəbər verir ki, onlara mükafatı Peşəkar Futbol Liqasının prezidenti Elxan Səmədov təqdim edib. Qeyd edək ki, "Qəbələ"nin 1:0 hesabı ilə qalib gəldiyi oyun zamanı VAR və AVAR hakimləri Bakı Olimpiya Stadionunda fəaliyyət göstərdiklərinə görə matçdan dərhal sonra keçirilən mükafatlandırma mərasiminə qatıla bilməmişdilər. Məhz bu səbəbdən ədalət təmsilçiləri mükafatlarına bu gün qovuşublar.