Azərbaycanın FIFA referisi Elçin Məsiyev 17 yaşadək futbolçulardan ibarət yığma komandalar arasında keçirilən Avropa çempionatının əsas mərhələsində daha bir oyuna təyinat alıb. 90plus.az AFFA-nın rəsmi saytına istinadən xəbər verir ki, o, 1/4 final mərhələsinin Polşa - Serbiya matçını idarə edəcək. Məsiyevə Elşad Abdullayev və slovakiyalı yan xətt hakimi Peter Bednar köməklik göstərəcək. Macarıstanda təşkil olunan turnirin bu görüş mayın 27-də keçiriləcək. Qeyd edək ki, Elçin Məsiyev daha əvvəl Şotlandiya - Fransa və Sloveniya - İtaliya matçını da idarə edib.