2025-ci ildə güləş üzrə ilin ən mühüm yarışlarına start verilir.
90plus.az xəbər verir ki, gələn həftə Albaniyada U23 Avropa çempionatı keçiriləcək. Martın 8-dən 14-dək Tirananın “Feti Borova” idman zalında təşkil ediləcək qitə birinciliyində hər 3 millimiz iştirak edəcək.
Yarışa sərbəst güləşçilər start verəcək. Böyük məşqçi Cəbrayıl Həsənov, məşqçilər Taymuraz Kokoyev və Şərif Şərifovun rəhbərliyi altında aşağıdakı heyət uğur qazanmağa çalışacaq:
57 kq Rəhman İmanov
61 kq Ceyhun Allahverdiyev
65 kq Murad Haqverdiyev
70 kq Kənan Heybətov
74 kq Ağanəzər Novruzov
79 kq Fərid Cabbarov
86 kq Arseniy Djioyev
92 kq Sadiq Mustafazadə
97 kq Abdulcəlil Şabanov
125 kq Yusif Dursunov
Daha sonra baş məşqçi əvəzi Toğrul Əsgərov, böyük məşqçi Ağahüseyn Mustafayev və məşqçi Solmaz Adilovanın rəhbərliyi altında qadın güləşçilər xalçaya çıxacaq:
50 kq Əsmər Cankurtaran
53 kq Elnurə Məmmədova
55 kq Nərgiz Səmədova
57 kq Gültəkin Şirinova
59 kq Günay Qurbanova
62 kq Birgül Soltanova
65 kq Ruzanna Məmmədova
Çempionatın son günlərində yunan-Roma güləşi üzrə mübarizə baş tutacaq. Baş məşqçi Aleksandr Tarakanov, böyük məşqçi Rövşən Bayramov və məşqçi Elvin Mürsəliyevin rəhbərlik etdiyi komanda aşağıdakı güləşçilərdən ibarətdir:
55 kq Elmir Əliyev
60 kq Hüseyn Qəribov
63 kq Ziya Babaşov
67 kq Fərid Xəlilov
72 kq Ruslan Nurullayev
77 kq Xasay Həsənli
82 kq Elmin Əliyev
87 kq Cocu Səmədov
97 kq Aqil Musayev
130 kq Ayxan Mərdanov
Avropa çempionatında I dərəcəli beynəlxalq hakimlər Bəşir İsazadə və Həbib Nurulu ədaləti qoruyacaq.
