Azərbaycanın qadınlardan ibarət 3x3 basketbol yığması Danimarkanın paytaxtı Kopenhagendə keçirilən Avropa Kubokunda ikinci yerə layiq görülüb.

90plus.az xəbər verir ki, komandamız final qarşılaşmasında Niderland millisi ilə üz-üzə gəlib.

Gərgin keçən oyunda yığmamız rəqibinə 16:21 hesabı ilə uduzub və turniri gümüş medalla başa vurub.

Qeyd: Azərbaycan komandası qrup mərhələsində Fransa (21:16) və Ukrayna (21:14) komandalarına qalib gəlib. Daha sonra 1/4 finalda Polşa (16:13), yarımfinalda isə İspaniyanı (21:17) məğlub edən millimiz tarixində ilk dəfə olaraq Avropa Kubokunun finalında iştirak edib.