Basketbolun 3x3 növü üzrə Qadınlar Seriyasının Bakıda təşkil olunacaq mərhələsinin qrupları və oyun cədvəli müəyyənləşdirilib.

90plus.az xəbər verir ki, mayın 26-27-də baş tutacaq turnirdə ümumilikdə 16 komanda iştirak edəcək.

Reytinq cədvəlində aşağı pillələrdə yer alan 6 komanda ilkin mərhələdə gücünü sınayacaq. Bu mərhələdə iki qrupun liderləri növbəti raunda yüksələrək 10 əsas komandaya qoşulacaqlar.

Qeyd: Əsas mərhələdə qruplarda ilk iki sırada qərarlaşan komandalar birbaşa 1/4 finala vəsiqə qazanacaq.

İlkin mərhələ:

A qrupu: Madaqaskar, İtaliya, Rumıniya
B qrupu: Qazaxıstan, "Roma", Misir

Qrup mərhələsi:

A qrupu: Niderland, "Praqa", Azərbaycan
B qrupu: Çin, "Takasaki", Çili
C qrupu: Tailand, Latviya, ilkin mərhələnin A1 qalibi
D qrupu: Avstriya, Filippin, ilkin mərhələnin B1 qalibi

Azərbaycan milli komandası A qrupunda Niderland və "Praqa" ilə qarşılaşacaq. Yığmamız bu oyunlarını mayın 26-da keçirəcək.

Qadınlar Seriyası – Bakı mərhələsi

A qrupu
26 may
16:00 – Niderland – Azərbaycan
17:50 – "Praqa" – Azərbaycan