Azərbaycanlı cüdoçu Xorvatiyanın Poreç şəhərində keçirilən yeniyetmələr arasında Avropa Kubokunda qızıl medal əldə edib.
90plus.az xəbər verir ki, 52 kq çəki dərəcəsində mübarizə aparan idmançımız Moldova, İsveç, Kanada və Bosniya-Herseqovinadan olan rəqiblərini məğlub edərək finala yüksəlib.
Son qarşılaşmada İsveçrəli cüdoçu Lya Monney üzərində qələbə qazanan Aysun Məmmədova komandamız üçün ilk medalı təmin edib.
Qeyd: Azərbaycan bu turnirdə 5 çəki dərəcəsində 14 qadın idmançı ilə təmsil olunur. Ümumilikdə Avropa Kubokunda 37 ölkədən 813 idmançı iştirak edir.
