"Azərreyl" qadın voleybol komandası Azərbaycan Yüksək Liqasında çempion titulunu qazanıb.
90plus.az xəbər verir ki, komanda final mərhələsinin ikinci oyununda "Abşeron" klubu ilə qarşılaşıb.
Milli Gimnastika Arenasında keçirilən görüşdə "Azərreyl" 3:0 (28:26, 30:28, 25:22) hesabı ilə rəqibini məğlub edib.
Finalın ilk qarşılaşmasında "Abşeron" eyni hesabla qalib gəldiyi üçün çempionu müəyyənləşdirmək məqsədilə "qızıl set" oynanılıb. Həlledici setdə 15:12 hesablı qələbə əldə edən "Azərreyl" birinci yerə layiq görülüb və əvvəlki titulunu müdafiə edib.
