Azərbaycan millisindən ikinci boksçu da Liverpulda keçirilən dünya çempionatında uğurlu çıxış edərək 1/4 final mərhələsinə yüksəlib.

90plus.az xəbər verir ki, 90 kq çəki dərəcəsində mübarizə aparan Alfonso Dominqes Almaniya təmsilçisi Yasse Kissi hər üç raundda üstələyib 5:0 (29:28, 29:28, 30:27, 30:27, 30:27) hesabı ilə 1/4-ə keçdikdən sonra 75 kq-da çıxış edən Səidcəmşid Cəfərov da bunu bacarıb. Səidcəmşid də yaponiyalı Dayqo Sunaqa ilə qarşılaşıb.

Rəqibinə şans tanımayan boksçumuz bütün raundları aktivinə yazdıraraq 5:0 (30:27, 30:27, 30:27, 30:26, 30:27) hesablı qələbə əldə edib.

Beləliklə, həm Dominqes, həm də Cəfərov 10 sentyabrda baş tutacaq 1/4 final mərhələsində güclərini sınayacaqlar.

Qeyd: Azərbaycan millisinin heyətində daha üç boksçu 1/8 final döyüşünə çıxacaq.

✍️ 90plus.az