Futbol üzrə İngiltərə yığmasının sabiq müdafiəçisi Joleon Leskott UEFA Çempionlar Liqasının 1/4 finalının “Mançester Siti” – “Bayern” oyununu (3:0) şərh edib. 90plus.az xarici KİV-ə istinadən xəbər verir ki, o, Mançester təmsilçisinin qazandığı qələbəni böyük uğur adlandırıb: “Bu, böyük uğurdur. Qazanılan nəticə, yəqin ki, döyüşün yalnız birinci hissəsinin bitdiyini deyir. Buna baxmayaraq, “şəhərlilər”in futbolçuları yarımfinala çıxa biləcəklərinə inanmalıdırlar”. “Bayern” – “Mançester Siti” cütünün cavab qarşılaşması Almaniyada baş tutacaq. Oyun aprelin 19-da keçiriləcək.