"Feyenoord" İspaniyadan 3 xalla döndü.
90plus.az xəbər verir ki, “Jirona” ilə “Feyenoord”, Çempiyonlar Liqasının 2-ci həftəsində "Estadi Municipal de Montilivi-də" qarşılaşdı. Mübarizəni qonaq komanda 3 qolla qazandı.
"FEYENOORD” İLK YARIDA NƏTİCƏNİ ALDI
Mübarizədə “Jirona”, qol pərdəsini 19-cu dəqiqədə David Lopezin qolu ilə açdı. 23-cü dəqiqədə Herrera öz qapısına vurduğu qolla qarşılaşmada hesabı bərabərləşdirdi. 33-cü dəqiqədə Milambo “Feyenoord”u irəlilədərkən, 36-cı dəqiqədə “Feyenoord”da Ueda penaltini qola çevirə bilmədi və ilk yarı 2-1 Hollandiya komandasının üstünlüyü ilə sona çatdı.
“JIRONA”DAN ÖZ QAPISINA 2 QOL
“Jirona”da Miovski, 67-ci dəqiqədə penalti qaçıraraq komandası üçün irəliləmə imkanını əldən verdi. Lakin 73-cü dəqiqədə meydana çıxan Van de Beek hesaba 2-2 bərabərliyi gətirdi. 79-cu dəqiqədə isə “Jirona” bir daha öz qapısını tapdı. Krejci öz qapısına vurduğu qolla hesabı “Feyenoord” lehinə 3-2-yə gətirdi. Qalan dəqiqələrdə başqa qol olmayınca “Feyenoord” İspaniyadan 3 xalla döndü.
Çempiyonlar Liqasında 2-ci həftə sonu etibarilə “Jirona”nın xalı yoxdur. “Feyenoord” isə “Jirona”nı məğlub edərək ilk qələbəsini qazandı və xalasını 3-ə yüksəltdi.
