"Qəbələ"nin baş məşqçisi Elmar Baxşıyev Misli Premyer Liqasının 27-ci turunda "Şamaxı"ya qalib gəldikləri matç (2:0) barədə fikirlərini bölüşüb. 90plus.az xəbər verir ki, mütəxssis rəqibin yaxşı futbol nümayiş etdirdiyini deyib:  “Dinamik oyun alındı. “Şamaxı” yaxşı işlər görüb. Cavid Hüseynov və Vüqar Əsgərliyə komandanın belə futbol nümayiş etdirməsinə görə alqış düşür. Futbolçular istədiyimi verməyə çalışırdılar. Daim topa nəzarət etmək və hücumda çoxalmaq istəyirdik ki, bunu da matç ərzində gördük. Daha da inkişaf edə bilərik. Hədəfə çatmaq üçün çalışmalıyıq. Əyyub Allaş universal, 3 mövqedə oynaya biləcək futbolçudur. Qol vurması xoşdur. Onu daha yaxşı görmüşük. Hələ komandanın üslubuna uyğunlaşır və qarşıdakı görüşlərdə daha yaxşı Allaş görəcəyimizə inanıram”.