DÇ-2026-nın seçmə mərhələsində Türkiyə ilə heç-heçə edən İspaniya yığmasının futbolçusu Dani Olmo və baş məşqçisi Luis de la Fuente açıqlamalar verib.
90plus.az xəbər verir ki, Dani Olmo oyundan sonra nəticənin komandanı tam sevindirmədiyini bildirib:
“Əvvəlki oyundakı kimi eyni coşqu ilə sevinə bilmədik. Axıra qədər oynamaq və qol buraxmamaq istəyirdik. Dad bir az acı-şirindir, amma mundiala vəsiqə qazandığımız üçün xoşbəxtik. Daha bir qol vura bilərdik. Standart vəziyyətlərdə daha yaxşı oynamalıyıq”.
İspaniya qrup mərhələsini 16 xalla birinci sırada tamamlayaraq birbaşa dünya çempionatının final mərhələsinə yüksəlib.
Baş məşqçi Luis de la Fuente isə komandanın göstərdiyi nəticədən razılığını ifadə edib:
“Çox sevincliyik və həyəcanlıyıq. Bu nəticələr seriyasının dəyərini daha yaxşı anlamağa kömək edir. Mundiala vəsiqə qazandığımız üçün xoşbəxtik və bunu bu şəkildə etmək bizi daha da məmnun edir. Türkiyədəki 6:0 hesablı qələbənin qiymətini indi daha yaxşı anlayırsan. İkinci hissədə onların daha çox imkanı oldu, amma biz də qalib gələ bilərdik.
Qalib gəlməyin nə qədər çətin olduğunu bir daha dərk etdim. Bu qədər sıx oyun təqvimi ilə bu səviyyədə çıxış etmək həqiqətən çətindir”.
Beləliklə, İspaniya həm nəticə, həm də oyun baxımından müəyyən iqtisadiyyata yol versə də, seçmə mərhələni məğlubiyyətsiz başa vuraraq mundiala inamlı şəkildə yollanır.
