2026 Dünya Çempionatının püşkü üçün prosedurlar təsdiqləndi – 48 komandadan ibarət ilk mundiala sayılı günlər qaldı.
90plus.az xəbər verir ki, 2026-cı ildə keçiriləcək və tarixdə ilk dəfə 48 komandanın iştirak edəcəyi FIFA Dünya Çempionatına 200 gündən az vaxt qalarkən, FIFA turnirin final püşkü ilə bağlı bütün prosedurları təsdiqləyib. Püşk mərasimi 5 dekabrda ABŞ-ın Vaşinqton şəhərində yerləşən Con F. Kennedi İncəsənət Mərkəzində baş tutacaq.
2026 Dünya Çempionatının püşk səbətləri
FIFA açıqlamasına əsasən, 1-ci səbətdə yer alan meydan sahibləri – Meksika, Kanada və ABŞ – fərqli rəngli topçalarla təmsil olunacaqlar. Onlar seçildikləri anda avtomatik olaraq öncədən müəyyən edilmiş qruplardakı mövqelərinə yerləşdiriləcəklər:
1-ci səbətdəki digər doqquz yüksək reytinqli komanda isə eyni rəngli toplarla seçiləcək və öz qruplarında 1-ci mövqeyə yerləşdiriləcək.
Yarıfinala qədər qarşılaşmamaq üçün xüsusi mexanizm
Turnirdə rəqabət balansını qorumaq üçün FIFA iki ayrı yarımfinal yolu yaradıb. Reytinqə görə ən yüksək dörd komanda – İspaniya, Argentina, Fransa və İngiltərə – elə şəkildə püşkə salınacaq ki, finaldan əvvəl bir-biriləri ilə qarşılaşa bilməsinlər.
2-ci, 3-cü və 4-cü səbətlər üçün qaydalar
Bu səbətlərdə komandaların qrupdaxili mövqeləri öncədən müəyyən edilmiş bölgü sxeminə uyğun olaraq təyin ediləcək və hər komanda düşdüyü səbətin strukturuna əsasən qrupdakı mövqeyini alacaq.
Konfederasiya məhdudiyyətləri
Heç bir qrupda eyni konfederasiyadan iki komanda olmayacaq. Tək istisna UEFA-dır — Avropanın 16 komandası olduğu üçün hər qrupda 1 və ya 2 UEFA təmsilçisi ola bilər.
4-cü səbətdəki FIFA Pley-off turnirinin qalibləri üçün də konfederasiya məhdudiyyətləri tətbiq olunacaq. Hər üç potensial komanda öz marşrutuna uyğun şəkildə yerləşdiriləcək ki, eyni konfederasiyadan olan komandalar eyni qrupa düşməsin.
2026 Dünya Çempionatının püşkü futbol ictimaiyyətində böyük maraqla gözlənilir və turnirin tarixi format dəyişikliyi mundiala əlavə həyəcan qatır.
