DÇ-2026 pley-off səbətləri bəlli oldu – hansı komandalar bir-biri ilə üz-üzə gələ bilər?

90plus.az xəbər verir ki, 2026-cı ildə ABŞ, Kanada və Meksikada təşkil olunacaq dünya çempionatına gedən son Avropa biletinin taleyini həll edəcək pley-off mərhələsinin səbətləri açıqlanıb. Komandalar 4 səbətə bölünüb və artıq mümkün yarımfinal cütlüklərinin konturları da ortaya çıxıb.

Səbətlərin bölgüsü belədir:

1-ci səbət (səpələnmiş): İtaliya, Danimarka, Türkiyə, Ukrayna

2-ci səbət: Polşa, Uels, Çexiya, Slovakiya

3-cü səbət: İrlandiya, Albaniya, Bosniya və Herseqovina, Kosovo

4-cü səbət: İsveç, Rumıniya, Şimali Makedoniya, Şimali İrlandiya

Mümkün yarımfinal cütləri necə formalaşacaq?

Turnirin qaydalarına əsasən, hər pley-off yolu iki yarımfinal matçından ibarət olacaq. Səbətlərin qarşılaşma prinsipi artıq dəqiqləşdirilib:

• 1-ci səbət → 4-cü səbət
  İtaliya, Danimarka, Türkiyə və Ukrayna öz meydanlarında İsveç, Rumıniya, Şimali Makedoniya və ya Şimali İrlandiya ilə qarşılaşacaq.
• 2-ci səbət → 3-cü səbət
  Polşa, Uels, Çexiya və Slovakiya isə İrlandiya, Albaniya, Bosniya və Kosovo ilə oynayacaq.

“Səpələnmiş” komandalar (yəni 1-ci və 2-ci səbət sahibləri) yarımfinalı öz meydanlarında keçirəcəklər. Yarımfinal qalibləri isə finalda üz-üzə gələcək və final matçının meydan sahibi püşkatma ilə müəyyən olunacaq.

Pley-offda kimlər oynayır?

• Qrup mərhələsini ikinci yerdə tamamlamış 12 milli,
• Həmçinin Millətlər Liqasında qrup qalibi olsa da, Avropa seçmə mərhələsində ilk iki yerdən kənarda qalmış 4 komanda iştirak edir.

Beləliklə, ümumilikdə 16 komanda 2026 dünya çempionatına gedəcək 4 vəsiqə uğrunda mübarizə aparacaq.

Püşkatma nə vaxt olacaq?

UEFA pley-off cütlərinin püşkü 20 noyabr saat 16:00-da atılacaq.

Yarımfinal oyunları 26 mart 2026, final matçları isə 31 mart 2026-da keçiriləcək.