DÇ-2026: Misir Cibutini məğlub edərək mundiala vəsiqəni təmin etdi.

90plus.az xəbər verir ki, Dünya Çempionatı 2026-nın seçmə mərhələsinin 9-cu turunda Misir millisi Cibutini 3:0 hesabı ilə məğlub edib. Bu nəticə ilə Misir A qrupunda liderliyini qoruyaraq mundiala vəsiqə qazanıb.

Oyunun 8-ci dəqiqəsində İbrahim Adel hesabı açıb, daha sonra isə “Liverpul”un ulduzu Məhəmməd Salah 14-cü və 84-cü dəqiqələrdə fərqlənərək dubla imza atıb.

Afrikadan DÇ-2026-nın final mərhələsinə Misirdən əvvəl Mərakeş və Tunis də vəsiqəni təmin etmişdi.

2026-cı il dünya çempionatında ümumilikdə 48 milli komanda iştirak edəcək və komandalar dörd komandalı 12 qrupa bölünəcək.