İtaliya yığmasının kapitanı Canluici Donnarumma DÇ-2026-nın seçmə mərhələsində İsrail üzərində 3:0 hesablı qələbədən sonra Rai telekanalına danışıb

90plus.az xəbər verir ki, 26 yaşlı qapıçı öncə Oslodakı məğlubiyyət barədə bunları deyib?

“Təəssüf ki, seçmə mərhələdə vəziyyət bir qədər çətinləşib və artıq bir oyunu belə uduzmaq lüksümüz yoxdur. O oyunu unudub noyabr ayına və daha sonra pley-offlara fokuslanmalıyıq. Görüləsi işlər var, amma əminəm ki, komanda yaxşı çıxış edəcək və Dünya Çempionatına vəsiqə qazanacaq.”

İki xilasetmə epizodu?

“Bir çox qol imkanı yaratmaq yaxşıdır, amma eyni zamanda müdafiədə də irəliləyiş var. Mən hər zaman hazır olmağa çalışıram, lakin görürəm ki, bu komanda artıq qol buraxmaq istəmir. Baş məşqçi öz izini buraxır, biz yeni ideyaları tətbiq edirik və bu, meydanda görünür. Hələ də inkişaf etməliyik, amma komanda ruhu yerindədir və əminəm ki, uğurlu olacağıq.”

Son fikir:

“Quruluşdan çox fərq yaradan amil istəkdir — qol buraxmamaq və hər vəziyyətdə ikiqat mübarizə aparmaq arzusu. Baş məşqçi həm oyuna, həm də rəqiblərə ciddi hazırlaşır: biz üçlü və ya dördlü müdafiə ilə oynaya bilərik, amma bu gün meydanda qələbə qazanmaq, futbolun dadını çıxarmaq və hər nə olursa-olsun Dünya Çempionatına yollanmaq istəyən bir komanda gördük.”