2023-24 mövsümünün sonunda "Liverpul" klubundakı baş məşqçilik vəzifəsindən ayrılan Klopp, enerji içkisi nəhəngi "Red Bull"un futbol direktoru olaraq yeni bir işə başladı.
90plus.az xəbər verir ki, dörd qitəyə yayılmış yeddi fərqli klubdakı fəaliyyətləri nəzarət edəcək. Bunlardan biri, ölkənin "50+1" sahibliyi modelini aşdığı iddiasıyla Alman futbolunda mübahisələrə səbəb olan "RB Leyptsiq"dir. Klopp, 2022-ci il kimi yaxın bir tarixdə, "Red Bull fikrinin ənənəçilər tərəfindən nə qədər tənqid olunduğunu bilirəm və mən də onlardan biriyəm" deməsinə baxmayaraq, indi bu markayla işləmək qərarına gəlib.
ALMAN FUTBOLU BAŞ BİLƏNLƏRİ NƏ DEYİR?
Alman futbol eksperti Konstantin Ekner, talkSPORT-a verdiyi açıqlamada, çox vaxt xalq adamı kimi tanınan 57 yaşlı Kloppun cəsur bir karyera addımı atdığını söylədi:
"Mətbuat nümayəndələri və azarkeşlər, Yurgen Kloppun öz irsini məhv etdiyini düşünür. İngiltərədə çox gündəmdə olmaya bilər, amma Red Bull, altıncı liqadan bir klubu aldı və "Leyptsiq"in Bundesliqaya yüksəlməsi üçün maliyyə təmin etdi. Red Bull, Alman futbolunda böyük hörmətə malik və olduqca mübahisəli olan 50+1 qaydasını pozmaqda ittiham olunur. Özünü "Leyptsiq" və "Hoffenhaym" kimi klubların əksi kimi təqdim edən "Maynts" və "Borussiya Dortmund"un baş məşqçisi idi. Xüsusilə Dortmund azarkeşləri, amma ümumilikdə çoxlu futbolsevər təkcə narahat deyil, həm də bir az qəzəblidir."
