İtaliyanın Peruca şəhərində baş tutan dünya çempionatında uğurlu çıxış edən Azərbaycan kunq-fu millisinin üzvləri Vətənə dönüblər.

90plus.az xəbər verir ki, qızlar arasında keçirilən yarışda Heydər Əliyev Fondunun vitse-prezidenti Leyla Əliyevanın qızı və Prezident İlham Əliyevin nəvəsi Əminə Əliyeva dünya çempionu adına layiq görülüb.

Xalq artisti və iş adamı Emin Ağalarov Əminəni hava limanında qarşılayaraq onu təbrik edib.

Emin sevincini sosial şəbəkədə belə ifadə edib:

“Qürur mənbəyimiz! Əminə ilk beynəlxalq turnirində, yüngül-sanda kateqoriyasında Kung Fu üzrə Dünya Çempionu oldu. Bütün ölkə olaraq onunla fəxr edirik”.