Altay Bayındırın qeyri-sabit çıxışına görə, “Fənərbağça” qapıçı axtarışına çıxıb. 90plus.az “Sport” qəzetinə istinadən xəbər verir ki, İstanbul klubunun ilk hədəfi “Barselona”dan İnaki Penadır. "Barselona" ilə 23 yaşlı qolkiperin mövsümün sonunda başa çatacaq müqaviləsini 2026-cı ilə qədər uzatmaq barədə razılığa gəldiyi bildirilir. Lakin Penanın müqavilə imzaladıqdan sonra “Barça”dan ayrılaraq icarə əsasında “Fənərbağça”ya yollana biləcəyi iddia edilir. Qeyd edək ki, ötən mövsümün ikinci yarısında “Qalatasaray”da icarə əsasında çıxış edən ispaniyalı qolkiper 6-sı Superliqa, 2-si Avropa Liqa olmaqla, 8 matçda meydana çıxıb və 11 qol buraxıb.