FİFA-dan klublara böyük ödəniş: hər futbolçu üçün gündəlik 11 min dollar veriləcək.
90plus.az xəbər verir ki, FIFA 2026-cı il dünya çempionatı zamanı milli komandalar üçün futbolçu buraxan klublara rekord məbləğdə ödəniş edəcək - MktRegistrado.
Məlumata görə, qurum hər futbolçu üçün klublara gündəlik təxminən 11 min dollar ödəyəcək. Bu isə mundial müddətində komandaların ciddi gəlir əldə etməsi deməkdir.
Hətta hansısa milli komanda qrup mərhələsində turnirlə vidalaşsa belə, həmin futbolçunun klubu minimum 250 min dollar gəlir əldə edəcək.
Yeni sistem xüsusilə Avropanın aparıcı klubları üçün böyük maliyyə üstünlüyü yaradır. Çünki heyətində çox sayda milli komanda üzvü olan komandalar dünya çempionatı ərzində milyonlarla dollar qazana biləcək.
Qeyd: 2026-cı il dünya çempionatı ABŞ, Kanada və Meksikada keçiriləcək. Turnirdə ilk dəfə 48 milli komanda iştirak edəcək.
