"Fənərbağça"da və Dünya Kubokunda göstərdiyi performansla diqqət çəkən Enner Valensiya mövsümün sonunda İstanbul klubundan ayrılır. 90plus.az türk mətbuatına istinadən xəbər verir ki, “Fənərbağça” ulduz hücumçu ilə yeni müqavilə danışıqlarında razılığa gələ bilməyib. Valensiya klubun 1+1 il üçün təklif etdiyi 1,4 milyon avroluq ödənişi qəbul etməyib. Ekvadorlu ulduz təklifləri dəyərləndirərək Braziliya komandalarından olan “İnternasional”la anlaşıb. 33 yaşlı hücumçu mövsümün sonunda "İnternasional"la 2026-cı ilə qədər müqavilə imzalayacaq. Qeyd edək ki, bu mövsüm "Fənərbağça"nın heyətində 30 matça çıxan Valensiya 23 qol vurub, 4 məhsuldar ötürmə edib.