Erlinq Haaland DÇ-2026 seçmə mərhələsinin Avropa zonasında bombardir oldu!
90plus.az xəbər verir ki, Erlinq Haaland 2026-cı il dünya çempionatının Avropa zonası üzrə seçmə mərhələsinin qrup raundunu bombardir kimi başa vurub.
Norveç millisinin hücumçusu 16 qol vuraraq bütün rəqiblərini xeyli geridə qoyub və komandasının 1998-dən sonra ilk dəfə dünya çempionatına yollanmasında əsas fiqura çevrilib.
Haalandın göstəricisinə Moldova ilə oyunda vurduğu beş qol, İsrailə qarşı het-trik, həmçinin Norveçin keçirdiyi bütün səkkiz matçda qol vurması daxildir. “Mançester Siti”nin hücumçusu ən yaxın izləyicilərini – Harri Keyn, Memfis Depay və Marko Arnautoviçi səkkiz qolla qabaqlayıb.
Haalandın 16 qolu Avropa futbolçusunun bir seçmə mərhələdə vurduğu rekorda (16 qol – Robert Levandovski, DÇ-2018 seçmə mərhələsi) bərabərdir.
Bombardirlər siyahısı:
16 – Erling Haaland (Norveç)
8 – Marko Arnautoviç (Avstriya)
8 – Memfis Depay (Niderland)
8 – Harri Keyn (İngiltərə)
6 – Kevin De Bruyne (Belçika)
6 – Andrej Kramariç (Xorvatiya)
6 – Mikel Merino (İspaniya)
6 – Mikel Oyarzabal (İspaniya)
Kriştiano Ronaldo seçmə mərhələni 5 qolla başa vurub və dünya çempionatı seçmə oyunlarında ümumi qol sayını 41-ə çatdıraraq öz rekordunu daha da artırıb.
Məhsuldar ötürmələrdə liderlər:
Norveç millisinin kapitanı Martin Edeqor 7 assistlə qrup mərhələsinin ən yaxşı ötürmə verəni olub. Xorvatiyadan Lovro Mayer və Uels təmsilçisi Sorba Tomas beş məhsuldar ötürmə ilə siyahıda ikinci yerdə qərarlaşıblar.
4 məhsuldar ötürmə ilə siyahını yükləyən futbolçular arasında Deklan Rays, Julian Reyerson, Memfis Depay, Hakan Çalhanoğlu və digər tanınmış oyunçular da yer alıb.
