"Tottenhem"in futbolçusu Harri Keyn klubun sabiq oyunçusu Cimmi Qrivzin tarixi rekordunu təkrarlayıb. 90plus.az xəbər verir ki, 29 yaşlı hücumçu buna ötən gecə Premyer Liqanın 21-ci turunda "Fulhem"lə matçda (1:0) fərqlənməklə nail olub. Nəticədə o, London təmsilçisinin heyətində vurduğu qolların sayını 266-ya çatdırıb. Bununla da Keyn Cimmi Qrivzin tarixi rekorduna şərik olub.  Qeyd edək ki, Keyn bu mövsüm 28 matçda 17 qol vurub və 3 qolun ötürməsini verib.