Türkiyənin zəlzələdən ən çox zərər çəkmiş bölgələrindən biri olan Hatayı təmsil edən "Hatayspor"un ev oyunlarını harada keçirəcəyi ilə bağlı müzakirələr aparılır. 90plus.az "Hürriyet"ə istinadən xəbər verir ki, hazırkı durumda "Hatayspor"un doğma meydanda oynaması real deyil. Bu səbəbdən Türkiyə Futbol Federasiyası klub üçün xüsusi variantları nəzərdə keçirir. İlk variant kimi İstanbulun Riva qəsəbəsindəki baza nəzərdən keçirilir. Artıq komandanın baş məşqçisi Volkan Demirel və futbolçular İstanbula gediblər.  Sakarya, Kocaelidəki stadionlar da mümkün arenalar sırasındadır. Yerli federasiya "Yeni Malatyaspor" və zəlzələdən zərrə çəkən digər aşağı liqa təmsilçilərinin də ev oyunlarını keçirəcəyi stadionu müəyyənləşdirmək üçün işlər aparır. Qeyd edək ki, 10, 11, 12 və 13 fevrala nəzərdə tutulan Superliqa oyunları 1,2, 3-cü liqaların matçları 17, 18, 19 və 20 fevralda oynanılacaq. "Hatayspor" Superliqada 23 xalla 14-cü pillədə qərarlaşıb.