Azərbaycan millisinin və "Xarı Bülbül" klubunun iki dəfə əməliyyat olunan voleybolçusu Tural Həsənlinin durumu yaxşılaşıb. 90plus.az "Report"a istinadən xəbər verir ki, qanaxmaya görə yenidən xəstəxanaya aparılan Turalın durumu sabitdir, reanimasiyadan palataya köçürülüb. Tural Həsənlinin səhhətində "Panatinaikos”a qarşı Çelenc Kubokunun 1/16 final mərhələsinin Yunanıstanda reallaşan cavab oyunu ərəfəsində problem yaranıb. O, kritik vəziyyətdə Bakıya çatdırılıb və hava limanından birbaşa xəstəxanaya aparılıb. Daxili qanaxması olan voleybolçu bağırsağından ağır əməliyyat keçirib. Qeyd edək ki, “Xarı Bülbül” “Panatinaikos”a 1:3 hesabı ilə uduzaraq yarışda mübarizəni dayandırıb.