AVRO 2024-ün 1/4 final mərhələsi bu gün İspaniya-Almaniya matçı ilə start götürəcək.
90plus.az xəbər verir ki, İspaniya millisinin baş məşqçisi Luis de la Fuente bu gün baş tutacaq matçla bağlı açıqlama verib.
O, açıqlamasında “Oxşar xüsusiyyətlərimiz var. Meydana çıxıb qələbə qazanmağa çalışacağıq. Biz çox məsuliyyət hiss edirik. Təbii ki, Almaniyada çıxış etmək təcrübəsi olan Dani Olmo və Alejandro Qrimaldo ilə çox danışmışam. Onlar həmişə bizə alman futbolunun müəyyən tərəflərindən bəhs edirlər. Amma biz onların milli komandasını çox yaxşı tanıyırıq və bütün oyunçularım oyuna hazırdır. Oyun planımız dəyişməyəcək. Bir və ya iki kadr dəyişikliyi ola bilər, amma plan əvvəlki kimi qalacaq... Bu, Avropa çempionatının finalı da ola bilərdi, amma düşünürəm ki, futbol səviyyəsində oyun bərabər keçəcək. Almaniya həmişə matça həqiqətən güclü başlayır. Ona görə də biz buna qarşı çıxmağa çalışacağıq. Həm də çalışacağıq ki, ilk dəqiqədən təşəbbüsü ələ keçirək” - deyə qeyd edib.
Həmçinin Fuente sözlərinə əlavə olaraq "Kroosu necə dayandıra bilərik? Onu dayandırmaq üçün ayaqlarını bağlamağı düşünürdük, amma UEFA-nın bizə icazə verib-verməyəcəyini bilmirəm. O, super səviyyəli oyunçudur və bir futbol azarkeşi kimi onun karyerasını bitirmək istəməsinə çox üzülürəm" - deyə bildirib.
