Əlcəzairin “El Bayad” klubunun avtobusu aşdı, 2 nəfər öldü! 90plus.az “Mundo Deportivo”ya istinadən xəbər verir ki, hadisə komandanın “Kabilia” ilə səfər oyununa yolldığı vaxt baş verib. Nəticədə köməkçi məşqçi Xalid Meftah və 27 yaşlı qapıçı Zakaria Buuziani vəfat edib. Daha 10 nəfər isə müxtəlif dərəcəli xəsarət alıblar. Baş vermiş faciə ilə əlaqədar yerli futbol federasiyası ölkədaxili bütün liqalarda həftəsonu keçirilməli olan turu təxirə salıb. Eyni zamanda, dekabrın 26-da təşkil edilməsi nəzərdə tutulan Əlcəzair Kubokunun püşkatma mərasimi də təxirə salınıb.