Konfrans Liqasında pley-off mərhələsinin ilk oyunlarından sonra həftənin ən yaxşı futbolçusu müəyyənləşib. 90plus.az  xəbər verir ki, bu, Kipr AEK-indən (Larnaka) Anxel Qarsiya olub. 30 yaşlı yarımmüdafiəçi Ukraynanın “Dnepr-1” komandasına 1:0 hesabıyla qalib gəldikləri oyunda yeganə qolun müəllifi olub. Xatırladaq ki, Konfrans Liqasında həftənin ən yaxşı futbolçusu adına “Qarabağ”ın yarımmüdafiəçisi Marko Yankoviç də namizəd idi.