Azərbaycan klublarının Konfrans Liqasındakı oyunlarının başlama saatları bəlli oldu!

90plus.az xəbər verir ki, UEFA Konfrans Liqasının 3-cü təsnifat mərhələsində çıxış edəcək Azərbaycan klublarının oyunlarının başlama vaxtları müəyyənləşib. Bu barədə UEFA-nın rəsmi saytı məlumat yayıb.

“Araz-Naxçıvan” – “Omoniya” (Kipr) qarşılaşmasının ilk oyunu avqustun 7-də Bakıda keçiriləcək və saat 20:00-da start götürəcək. Cavab matçı isə avqustun 14-də Kiprdə oynanılacaq və Bakı vaxtı ilə saat 21:00-da başlayacaq.

Digər təmsilçimiz “Sabah” ilk matçını səfərdə – avqustun 7-də Bolqarıstanın “Levski” (Sofiya) klubu ilə keçirəcək. Bu oyun Bakı vaxtı ilə saat 22:00-da başlayacaq. Avqustun 14-də Bakıda oynanılacaq cavab görüşü isə saat 20:00-da start götürəcək.