UEFA Konfrans Liqasının final qarşılaşmasında “Real Betis” ilə “Çelsi” üz-üzə gələcək. 28 may Çərşənbə günü, saat 22:00-da (Bakı vaxtı ilə) Polşanın Vrotslav şəhərindəki “Vrotslav Stadionu”nda keçiriləcək finalın qalibi əlavə 3 milyon avro qazanacaq.

90plus.az xəbər verir ki, bu mövsüm UEFA-nın tətbiq etdiyi yeni liqa formatı ilə komandalara ödənilən məbləğlər yalnız qələbələrə görə deyil, həm də reytinq, bazar dəyəri və liqa sıralamasındakı yerə əsaslanaraq müəyyən edilib.

“Çelsi”nin gəliri 21 milyona yaxınlaşır

Turnirdə ən yüksək gəlir əldə edən klub hazırda “Çelsi”dir. Turnirə təsnifat mərhələsindən başlayan London təmsilçisi cəmi 18 milyon 818 min avro gəlir əldə edib. Komanda kuboku qazansa, bu rəqəm 21 milyon 818 min avroya yüksələcək.

Əldə edilən gəlirin təfərrüatı:

• Təsnifat mərhələsi: 180 min avro

• Liqa mərhələsinə qatılma: 3 milyon 170 min avro

• 6 qələbə (hər biri 400 min avro): 2 milyon 400 min avro

• Liqanı 1-ci yerdə tamamladığına görə: 1 milyon 408 min avro

• Transfer dəyərinə görə gəlir: 2 milyon 304 min avro

• 1/8 final: 800 min avro

• 1/4 final: 1 milyon 300 min avro

• Yarımfinal: 2,5 milyon avro

• Finala yüksəlmə: 4 milyon avro

• Qələbə halında əlavə: 3 milyon avro

“Real Betis” də 19 milyona yaxınlaşır

İspaniya təmsilçisi “Real Betis” də turnirə təsnifat mərhələsindən başlayıb və indiyədək 16 milyon 169 min avro gəlir əldə edib. Komanda kuboku qazansa, gəliri 19 milyon 169 min avro olacaq.

Əldə edilən gəlirin təfərrüatı:

• Təsnifat mərhələsi: 180 min avro

• Liqa mərhələsinə qatılma: 3 milyon 170 min avro

• 3 qələbə + 1 heç-heçə: 1 milyon 333 min avro

• Liqanı 15-ci sırada tamamladığına görə: 616 min avro

• 9–16-cı sıralardakı komandalara verilən mükafat: 200 min avro

• Transfer dəyəri üzrə gəlir: 1 milyon 408 min avro

• 1/16 play-off: 200 min avro

• 1/8 final: 800 min avro

• 1/4 final: 1 milyon 300 min avro

• Yarımfinal: 2,5 milyon avro

• Finala yüksəlmə: 4 milyon avro

• Qələbə halında əlavə: 3 milyon avro

Tarixi final – həm titul, həm də milyonlar 

28 may tarixində keçiriləcək bu final həm idman uğuru, həm də maliyyə baxımından böyük əhəmiyyət daşıyır. “Çelsi” və “Real Betis” üçün kubok yalnız qələbə simvolu deyil, həm də milyonlarla avro gəlir deməkdir.