Azərbaycan millisinin hücumçusu Mahir Emrelinin də formasını geyindiyi "Dinamo" (Xorvatiya) bu gün Konfrans Liqasında növbəti oyununa çıxıb. 90plus.az xəbər verir ki, Zaqreb təmsilçisi "Viktoriya"nı (Plzen, Çexiya) qəbul edib. Oyun qonaqların 1:0 hesablı qələbəsi ilə başa çatıb. Yeganə qolu 69-cu dəqiqədə penaltidən Tomas Çori vurub. Mahir də bu görüşdə iştirak edib. O, start heyətdə meydana çıxıb və 56-cı dəqiqədə Yosip Drmiçlə əvəzlənib.  C qrupunda hazırda "Viktoriya" 9 xalla 1-ci, "Dinamo" 3 xalla 2-ci, eyni xalı olan "Balkani" 3-cü, "Astana" isə 4-cüdür (3 xal).