"Mançester Yunayted" yay transfer pəncərəsində hücum xəttini gücləndirmək üçün iki namizəd irəli sürüb.  90plus.az xəbər verir ki, bu barədə “The Telegraph” məlumat yayıb. Klubun baş məşqçisi Erik Ten Haq bu mövsümün sonunda kiminlə müqavilə bağlayacağına qərar verməli olacaq. Niderlandlı mütəxəssis Harri Keyn ("Tottenhem") və Viktor Osimhen ("Napoli") arasında seçim edəcək. Bu transferlərdən biri üçün klub təxminən 100 milyon funt-sterlinq ödəməyə hazır olacaq. Qeyd edək ki, Keynlə "Bayern Münhen", Osimhenlə "Çelsi" və PSJ də maraqlanır.