Çempionlar Liqasının 1/8 final mərhələsinin ilk oyununda "Mançester Siti" səfərdə "Leypsiq"lə 1:1 hesablı heç-heçə edib. 90plus.az xəbər verir ki, “Mançester Siti” 27-ci dəqiqədə Riyad Mahrezin qolu ilə 1:0 önə keçib. Meydan sahibləri 70-ci dəqiqədə Yosko Qvardiolla hesaba tarazlıq gətirib. Qalan hissədə başqa qol olmadığı üçün mübarizə 1:1 hesabı ilə başa çatıb. Qeyd edək ki, cavab oyunu çərşənbə axşamı, martın 14-də oynanılacaq.