PSJ-nin hücumçusu Kilian Mbappe Liqa 1-də 150 qol vuran ən gənc futbolçu olub. 90plus.az xəbər verir ki, fransalı hücumçu bu göstəriciyə 24 yaş 2 aylığında çatıb. Mbappe 203 matçda bu qədər qol vurub. İlk üçlükdə 1959-cu ildə, 26 yaş 2 aylığında bu nəticəyə nail olmuş Jüst Fonten və Herve Revelli (1972, 26 yaş 3 ay) də qərarlaşıb. Qeyd edək ki, Mbappe bu mövsüm bütün turnirlərdə PSJ-nin heyətində 28 oyuna çıxıb, 27 qol vurub və 6 məhsuldar ötürmə edib.