Argentina millisinin ulduz futbolçusu Lionel Messi karyerasında yeni bir uğura imza atıb.
90plus.az xəbər verir ki, 38 yaşlı hücumçu ilk dəfə dünya çempionatının seçmə mərhələsində bombardir olub.
Messi DÇ-2026-nın Cənubi Amerika zonasında keçirilən seçmə oyunlarında 12 matçda iştirak edib, 8 dəfə fərqlənib və 3 qol ötürməsi ilə yadda qalıb. Bu göstərici ilə o, qrup mərhələsinin ən məhsuldar futbolçusu olub.
İkinci pillədə Kolumbiya yığmasının 28 yaşlı hücumçusu Luis Diaz qərarlaşıb. O, 17 qarşılaşmada 7 qol vurub və 3 assist edib. Boliviyadan Migel Terseros isə 12 matçda 7 qol vurmasına baxmayaraq, məhsuldar ötürmə etməyib və bu səbəbdən 3-cü yerdə qərarlaşıb.
Qeyd: Lionel Messi Argentina yığmasında 2004-cü ildən çıxış edir.
