Avropa Çempionatının qrup mərhələsinin üçüncü oyununda vurulan ən yaxşı qol kimi İtaliyanın Xorvatiya ilə 1:1 hesabla bərabərə qaldığı matçda Mattia Zakkaninin vurduğu qol seçilib.

90plus.az xəbər verir ki, İtaliyanın Xorvatiya ilə 1:1 bərabərə qaldığı matçın 90+8-ci dəqiqəsində qol vuraraq ölkəsinə 1/8 finala vəsiqə qazandıran Zakkaninin qolu "üçüncü qrup matçlarının ən yaxşı qolu" səsverməsində zirvədə yer alıb.

Qeyd: Qrup mərhələsinin ilk matçlarında Türkiyə futbolçusu Mert Müldür, ikinci matçlarda isə isveçrəli Xherdan Şaqiri ən yaxşı qol kateqoriyasında mükafatlandırılıb.

Mənbə: UEFA