“Real Madrid”ın sabiq baş məşqçisi Joze Mourinyo yenidən Madrid klubuna qayıtmağın astanasındadır.

90plus.az xəbər verir ki, portuqaliyalı mütəxəssis artıq “kral klubu” ilə müqavilə imzalayıb və o yenidən komandanın baş məşqçisi təyin olunacaq. David_Ornstein və MarioCortegana belə yazır.
Bildirilir ki, tərəflər arasında razılaşma ötən həftə əldə olunub və müqavilə 2029-cu ilin iyun ayına qədər nəzərdə tutulub.

Hazırda 63 yaşında olan Mourinyonun təyinatının klubdakı prezident seçkilərindən sonra rəsmi şəkildə açıqlanacağı vurğulanır. Mövcud prezident Florentino Peresin seçkilərdə qalib gələcəyi gözlənilir.

Mourinyo daha əvvəl 2010-2013-cü illərdə “Real Madrid”i çalışdırıb. Onun rəhbərliyi altında Madrid təmsilçisi bir dəfə La Liqa, bir dəfə İspaniya Kuboku və bir dəfə İspaniya Superkubokunun qalibi olub.

Qeyd: Bu məlumat hələlik rəsmi təsdiqini tapmayıb və tərəflərdən hər hansı açıqlama verilməyib.