Azərbaycanlı güləşçi Murad Məmmədov (63 kq) Rumıniyanın paytaxtı Buxarestdə Avropa çempionu olub. 90plus.az Azərbaycan Güləş Federasiyasının media hesabına istinadən xəbər verir ki, Murad Məmmədov finalda ukraynalı Oleksandr Xruşinə 2:1 hesabıyla qalib gələrək fəxri kürsünün birinci pilləsinə yüksəlib. Qeyd : Rəşad Məmmədov (55 kq) həlledici dueldə moldovalı Artyom Deleanuya uduzaraq, ikinciliyə yiyələnib. Beka Kandelaki (130 kq) isə bürünc mükafata sahib çıxıb. Azərbaycan qitə çempionatında 25 güləşçi ilə təmsil olunur. Yarışa fevralın 18-də yekun vurulacaq.